Eʼlon joylashtirish qoidalari
Foydalanuvchilar xavfsizligi va eʼlonlar sifati uchun Varo har bir eʼlonni chop etishdan oldin tekshiradi. Quyida qaysi eʼlonlar qabul qilinmasligi va rad etilganda qanday sabab koʻrsatilishi yozilgan.
Moderatsiya qanday oʻtadi
Sayt yoki ilova orqali yuborilgan eʼlonni moderator koʻrib chiqadi — odatda taxminan bir soat ichida. Natija haqida bildirishnoma keladi; rad etilsa, sabab koʻrsatiladi va eʼlonni tuzatib qayta yuborish mumkin.
Telegram kanallar va boshqa ochiq manbalardan olingan eʼlonlar ham shu qoidalar asosida tekshiriladi. Qoidaga zid eʼlon chop etilmaydi yoki olib tashlanadi.
Firibgarlik va shubhali faoliyat
Quyidagi vakansiyalar taqiqlanadi:
- ishga kirishdan oldin nomzoddan pul toʻlashni talab qiladigan;
- ishni boshlash uchun mahsulot, kurs, obuna yoki xizmat sotib olishni talab qiladigan;
- ish tavsifisiz yuqori daromadni kafolatlaydigan;
- moliyaviy piramida yoki tarmoq marketingi (MLM) belgilari bor;
- litsenziyasiz investitsiya, kriptovalyuta yoki mablagʻ jalb qilish faoliyatiga oid.
Rad etish sababi: «Vakansiyada firibgarlik yoki xavfli faoliyat alomatlari aniqlandi.»
Toʻliq boʻlmagan yoki notoʻgʻri maʼlumot
Quyidagi eʼlonlar qabul qilinmaydi:
- lavozim nomi koʻrsatilmagan;
- ish vazifalari yozilmagan;
- ish beruvchi haqida maʼlumot yoʻq;
- ataylab yolgʻon yoki chalgʻituvchi maʼlumotli;
- maosh haqida chalgʻituvchi maʼlumotli.
Rad etish sababi: «Eʼlonda yetarli yoki ishonchli maʼlumot yoʻq.»
Spam va takroriy eʼlonlar
- bir xil vakansiyani qayta-qayta joylash;
- mazmuni bir xil boʻlgan bir nechta eʼlon yaratish;
- eʼlonni faqat reklama maqsadida joylash.
Bir eʼlon bir nechta kanalda chiqsa, Varo uni bitta eʼlon sifatida koʻrsatadi va barcha manbalarni sanab beradi.
Rad etish sababi: «Eʼlon spam yoki takroriy eʼlon deb topildi.»
Qonunchilikka zid faoliyat
- noqonuniy moliyaviy operatsiyalar;
- pul yuvish;
- soxta hujjatlar tayyorlash yoki sotish;
- noqonuniy ishga joylashtirish;
- Oʻzbekiston qonunchiligi taqiqlagan har qanday faoliyat.
Rad etish sababi: «Taklif etilayotgan faoliyat qonunchilikka zid.»
Shubhali masofaviy ishlar
Onlayn vakansiyalarga alohida eʼtibor beriladi. Quyidagilar taqiqlanadi:
- shaxsiy bank kartasi yoki hisob raqami orqali pul qabul qilish va oʻtkazish;
- kompaniya moliyaviy operatsiyalari uchun shaxsiy hisoblardan foydalanish;
- ommaviy xabar yoki izoh tarqatish uchun odam yollash;
- koʻrishlar, layklar yoki obunachilarni sunʼiy oshirish;
- boshqa xizmatlar qoidalarini buzadigan harakatlar.
Rad etish sababi: «Masofaviy ish xavfli yoki shubhali faoliyat belgilariga ega.»
Kamsitish
Millat, irq, din, siyosiy qarash, oilaviy holat yoki boshqa belgilar boʻyicha cheklov qoʻyish taqiqlanadi — agar bunday talab qonunchilikda nazarda tutilmagan boʻlsa.
Rad etish sababi: «Eʼlonda kamsituvchi talablar bor.»
Nojoʻya mazmun
- haqoratli matnlar;
- soʻkinish va odobsiz iboralar;
- jinsiy xarakterdagi materiallar;
- jamoat axloqiga zid mazmun.
Rad etish sababi: «Eʼlonda qabul qilinmaydigan mazmun bor.»
Aloqa maʼlumotlari
Ish beruvchi bilan bogʻlanishning haqiqiy yoʻli koʻrsatilishi shart: telefon raqami yoki Telegram.
Rad etish sababi: «Ish beruvchining aloqa maʼlumotlari koʻrsatilmagan yoki tasdiqlanmagan.»
Notoʻgʻri soha
Eʼlon oʻz sohasida joylanishi kerak — oshpaz «Umumiy ovqatlanish»da, haydovchi «Transport, ombor, yetkazib berish»da.
Rad etish sababi: «Eʼlon notoʻgʻri soha ostida joylangan.»
Qoʻshimcha tekshiruv
Varo quyidagilarni soʻrashi mumkin:
- korxona roʻyxatdan oʻtganini tasdiqlovchi hujjat;
- litsenziya;
- faoliyatni tasdiqlovchi hujjat;
- vakansiya haqida qoʻshimcha maʼlumot.
Rad etish sababi: «Eʼlonni joylash uchun ish beruvchini qoʻshimcha tekshirish kerak.»
Mutlaqo taqiqlangan eʼlonlar
Quyidagi eʼlonlar avtomatik rad etiladi:
- bank kartalarini ijaraga olish yoki sotib olish;
- shaxsiy bank kartasi orqali pul aylantirish, naqdlashtirish («obnal») xizmatlari;
- kriptovalyuta oldi-sottisida vositachilik;
- qimor oʻyinlari va totalizator bilan bogʻliq ishlar;
- moliyaviy piramida va MLM loyihalari;
- soxta akkauntlar yaratish yoki sotish;
- SIM-kartalarni boshqa shaxs nomiga rasmiylashtirish;
- uchinchi shaxslar uchun hujjat, bank hisobi yoki elektron hamyon ochish;
- «kuniga 100$, 200$, 500$» kabi asossiz vaʼdalar beruvchi ishlar.
Varo foydalanuvchilar uchun xavfli boʻlishi mumkin boʻlgan har qanday eʼlonni, hatto qoidabuzarlik bu yerda alohida yozilmagan boʻlsa ham, rad etish huquqini saqlab qoladi.
Qoidabuzarlik haqida xabar berish
Shubhali eʼlonni koʻrsangiz, eʼlon sahifasidagi «Shikoyat qilish» tugmasini bosing yoki aloqa sahifasi orqali yozing. Har bir shikoyatni moderator koʻrib chiqadi.