Biz haqimizda
Varo — Oʻzbekiston boʻylab vakansiyalar va kunlik ishlarni bir joyga yigʻadigan xizmat. Ish izlovchi oʻnlab kanal va saytni varaqlamasligi, ish beruvchi esa xodimni tezroq topishi uchun.
Hammasi bir joyda
Saytda va ilovada joylangan eʼlonlar hamda ochiq Telegram kanallardagi vakansiyalar — bitta qidiruvda, takrorlarsiz.
Manba doim koʻrinadi
Kanaldan olingan eʼlonda manba va asl postga havola bor. Kanal egasi postni istalgan vaqtda olib tashlatishi mumkin.
Ish izlovchi uchun bepul
Qidirish, saqlash va ish beruvchi bilan bogʻlanish — bepul. Vakansiya joylash ham hozircha bepul.
Nima qilamiz
Oʻzbekistonda vakansiyalarning katta qismi Telegram kanallarda chiqadi: bir xil eʼlon oʻnta kanalda, maoshsiz, manzilsiz, eskirgan holda. Varo ularni bir joyga yigʻadi, takrorlarni birlashtiradi va har birini bir xil koʻrinishga keltiradi: lavozim, maosh, hudud, ish sharoitlari, aloqa.
Bundan tashqari, ish beruvchilar vakansiya va kunlik ishlarni toʻgʻridan-toʻgʻri Varoʼga joylaydi — bunday eʼlonlarga Varo orqali ariza qoldirish ham mumkin.
Qanday ishlaymiz
- Eʼlonlar qoidalar asosida tahlil qilinadi va moderatsiyadan oʻtadi — firibgarlik, «oldindan toʻlov», spam va kamsitish chiqarilmaydi. Batafsil — Eʼlon qoidalari.
- Har bir eʼlon 14 hudud, 200 dan ortiq tuman va 23 soha boʻyicha tartiblangan — kerakli ishni bir bosishda topasiz.
- Eskirgan eʼlonlar avtomatik yopiladi: oʻzimizda joylanganlari 30 kundan soʻng, kanallardan olinganlari manbada koʻrinmay qolganidan 21 kun keyin.
- Kontaktlar soʻrov boʻyicha ochiladi va kunlik limit bilan — raqamlarni yigʻuvchilardan himoya uchun.
Batafsil: Varo qanday ishlaydi.
Kim turibdi
Varo — avval «Oson Ish» nomi bilan ishlagan jamoaning yangi mahsuloti. Xizmat operatori — «PRODUCTLAB» MChJ (Samarqand). Ilova App Store va Google Playʼda avvalgidek mavjud — yangilanish orqali Varoʼga aylanadi.
Bogʻlanish
Savol, taklif yoki hamkorlik boʻyicha aloqa sahifasi orqali yoki Telegramʼda @varo_uz ga yozing.