Varo qanday ishlaydi
Varoʼda eʼlonlar ikki yoʻl bilan paydo boʻladi: ish beruvchilar oʻzlari joylaydi yoki biz ochiq Telegram kanallar va saytlardan yigʻamiz. Ikkalasi ham bir xil qoidalar bilan tekshiriladi va bir xil koʻrinishda chiqadi.
Ish izlovchilar uchun
Toping
Kasb yoki kompaniya nomini yozing, hudud va sohani tanlang. Filtrlar: maosh, bandlik turi, ish grafigi, tajriba, qulayliklar, eʼlon vaqti.
Tekshiring
Har bir eʼlonda maosh, manzil, ish sharoitlari, joylangan vaqti va manbasi bor. Kanaldan olingan eʼlonda asl postni ochib koʻrishingiz mumkin.
Bogʻlaning
«Bogʻlanish» tugmasi telefon va Telegramni ochadi. Varoʼda joylangan eʼlonlarga ilovadan yoki saytdan ariza ham qoldirish mumkin.
Saqlang
Yoqqan eʼlonni saqlang — u «Saqlanganlar»da qoladi, yopilsa ham nima boʻlganini koʻrasiz.
Ish beruvchilar uchun
Eʼlon yarating
Telefon raqamingiz bilan kiring va vakansiya yoki kunlik ish eʼlonini toʻldiring: lavozim, maosh, hudud, sharoitlar, aloqa.
Moderatsiya
Moderator eʼlonni qoidalar asosida tekshiradi — odatda taxminan bir soatda. Rad etilsa, sababi yoziladi.
Qoʻngʻiroqlar va arizalar
Eʼlon sayt, ilova va Telegram kanallarda chiqadi. Nomzodlar qoʻngʻiroq qiladi yoki Varo orqali ariza qoldiradi.
Eʼlonlar qayerdan keladi
Varoʼda joylangan
Ish beruvchi oʻzi joylagan eʼlon. Ariza qoldirish mumkin, ish beruvchi reytingi va sharhlari koʻrinadi.
Kanallardan olingan
Ochiq Telegram kanallar va saytlardagi vakansiyalar. Har birida manba va asl postga havola bor; bir eʼlon bir nechta kanalda chiqsa, bitta qilib koʻrsatiladi. Kanal egasi postni olib tashlatishi mumkin.
Nega kontaktlar limit bilan ochiladi
Telefon raqamlarini avtomatik yigʻib, keyin spam yuboradiganlar bor. Shuning uchun kontaktlar tugma bosilganda ochiladi va har bir ochilish hisoblanadi.
Tizimga kirmagan holda kuniga bir necha marta ochish mumkin; telefon raqamingiz bilan kirsangiz, limit ancha katta boʻladi.